19.07.2017
Nßmskei­ Ý s÷ng og ÷ndun

Íslensk-japanska félagið vill vekja sérstaka athygli á eftirfarandi námskeiði sem haldið verður í byrjun næsta mánaðar en félagið mun kosta leigu á húsnæðinu, þar sem það verður haldið. Japanska söngkonan Mocca verður með námskeið í söng og öndun, í Reykjavík þann 4. og 5. ágúst nk. Þetta verður einstakt tækifæri til þess að fara á námskeiðið hennar Mocca, sem vinnur með rödd, yoga og öndunartækni til að ná fram frelsi í rödd og hreyfingu. Hún blandar saman áhrifum frá Butoh dansi og hefðbundnum japönskum og indverskum hugleiðsluaðferðum.Námskeiðið verður haldið Í Yoga Shala, Skeifan 7, 3.hæð , 108 Reykjavík (sama hús og Elko en gengið inn vinstra megin) þann

4 ágúst kl. 18:00-20:00

5 ágúst kl. 18:00-20:00

Verð: 3000 krónur fyrir annan daginn, 5000 krónur fyrir báða dagana

(vinsamlegast komið með reiðufé á staðinn)

Um Mocca

Mocca er söngkona og performer sem hefur verið virk í 17 ár. Hún fæddist í Gifu, Japan og byrjaði að söngferil sinn árið 2001. Mocca hefur heillað fólk út um allan heim með túlkun sinni á klassískri tónlist og popptónlist, en hún nýtur þess að spinna út frá einni hugsun og andartaki í tíma. Rödd hennar hefur mátt, til þess að framkalla dulmagnaða stemningu; hún getur umbreyst í fugl, ský, álfamey, sterka hetju, hafið og tímann sjálfan. Orð hennar og laglínur eru fullar af orku og kalla á allar tegundir af dansi. Mocca byrjaði söngferilinn með því að umbreyta rödd sinni með ‘loop pedal’, en hún spilar einnig á Kalimbu, gítar og píanó. Árið 2010 fór hún í tónleikaferðalag til Evrópu og hélt tónleika í Ítalíu og Frakklandi. Árið 2016 túraði hún aftur með Sólótónleika & Butoh dansi í París, Berlín, Amsterdam og Ósló. Mocca hefur hlotið viðurkenningu í Japan og annarsstaðar fyrir tónlist sína. Hún hefur unnið sem tónlistarstjóri fyrir Butoh sýningar. Hún hefur sungið og samið tónlist fyrir myndina The Day & The Black Butler. Hún hefur tekið þátt í hátíðum í Asíu og er meðlimur í Butoh hópnum Natural Physical Poets, sem inniheldur m.a. Íslandsvinina Mushimaru Fujieda og Lee Mihee).

"May all being be happy"; eru einkunnarorð hennar í leik og starfi